السلام عليكم ..

صباح الخير ،، والله السهر لعب فينا << ترفق لاتطيح يالشايب

  الكتابة الفوقية شغلة سهله لكن ترفع الضغط لا صرت ماتعرف لها يجيك شلل نصفي منها . تخيل معي أنك تكتب في الورد أو في أي محرر وفجأة أكتشفت أنك قبل خمس كلمات غلطت غلط إملائي وشلون تسوي ؟

   تسمح الخمس كلمات الأخيرة وإلا ترجع المؤشر إلى الكلمة الغلط وتعدلها ؟ الأكيد أني بأرجع المؤشر والله مأمسح شيء .. أجل تبيني أعيد أخر خمس كلمات هبال هو ؟؟  << طلع عرق الزوله 

  بس كمل معي رجعنا المؤشر للكلمة الغلط عدلنا الحرف الغلط ونشوف إلا هو يمسح الكلمات إللي بعده يعني فيك فيك تمسح كل شيء وتكتب من جديد  

السلام عليكم 

مسيكم بالخير ،، بأتكلم عن برنامج وين رار أو برنامج فك وضغط الملفات . يستخدم البرنامج في التقليل من حجم الملفات أو تقسيم الملفات الكبيرة إلى عِدة ملفات صغيرة لأنه الملفات الكبيرة تكون صعبه في التحميل بعكس لو وزعت على أجزاء صغيرة . وكذلك قلة الالمواقع التي تستطيع حمل هذه الملفات غير المواقع الخدمية المدفوعة مثل الريبد شير والميقا أبلود وإيزي شيء وغيرها الكثير ..<< يمسك قدح القهوة بيمينه ماسكه على اللغة اليوم

المهم ويستفاد من البرنامج أن كثير من المواقع الرفع لاتستطيع الرفع إليها لأن الأمتدادات غير معترف بها في الموقع لذلك تحتاج لضغطها بإحدى صيغ الضغط . ويوجد به خاصية حماية الملفات عند ضغطها بكلمة مرور توضع كمفتاح لفك الضغط وغير ذلك الكثير من المميزات وسنشرح منها خلال هذين اليومين بإذن الله ..

السلام عليكم 

مسيكم بالخير ،، جميع المستخدمين يكون عندهم ملفات خاصة ولا يبي أحد يطلع عليها ويحاول يبعدها عن الأماكن العامة إللى يدخل لها جميع المستخدمين مثل سطح المكتب أو المستندات أو حتى ملفه الخاص فيه .. اليوم بنتكلم عن طريقة سهله جداً لإخفاء الملفات ولا كأنه موجود .